درد گرون از سیروس شعبان
دلم وا خوش مرونی داره ایمشو
مرافه بی امونی داره ایمشو
چنو گنه که وا خوش هم نسازه
عجو درد گرونی داره ایمشو
خور داری   تونی  قاتل م یا نه
تونی که تش ونی د کل م یا نه
تو که بردی قرارم وا قراری
خور  داری  د حال  دل م یا نه
پرنده کم هوا مه قله قافه
گریوه ری نمه اسرم وه تافه
مترسم بال پروازم بسینن
دو قوش ار سر لشم بونه مرافه
هورين عشقين نمه يا آگر دل
گه فصل يخبنونم آگره مين
تو آخ سينمين شعله مكيشين
سراسر آسمونم آگره مين