سر او دو چشه کالت جونیم بی و نتارت
نمیدم یاته و عالم الو کی بی دس برارت
 منی که هرکاری کردم دلت وام ناسازگاره 
تو دونی ذاتت دریس نی رفیقی وا کس ک ناره 
آسمو هم اوری گریته بیل ک چشام خی بگریوه
روزگار حونت خرواه با ک خدا  وا بنش غریوه
چنو یلا رتمه گن طور د دل تیمارم
مه چی اوره پر د وارو هه اصر میوارم
خیالت گذر میگ د کیچه پس کیچیا دلم
هر چنی که دلت میا صفحه بنی پشت سرم
د آسمونم جا گریت آساره چی اوره سیاه
هرکه اوما یه طور دره نمک و ری زخمم نیا
مه افتامه ری دور غم جایی نمنه ک روام
و کم همیشه قانع بیم زیاد نویی توقعم
مه لیوه او دو گلاره پر د تله بیم
دلت تو گن دورم زه خو رشه بلد بی
الو مویی نمیشناسی ناری صنم وام
خوته نشو دی تو آخر کردی دل خام
و دور هرکی گشتیمو آخر ک خو زه دورمو
وقتی ک موردیم یه رو میان و سر قورمو
دلت وامه یه رنگ نویی چنی ویلو چی مه کیه 
مه دیر تونه شناختمت تو بی گرگ وارون دیه
ای تن بیه دائم الغمی ک عمری طلسمه
هرچی و سرم بیا موام هه یه بیه قسمت